موضوع: طريقة صنع المعمول السبت مارس 10, 2012 5:49 am
المقادير : كوب دقيق ابيض + نص كوب دقيق اسمر نص كوب من السميد المطحون يطحن بالمطحنه او سميد الفرخا هذا ناعم من غير طحن ثلاث ارباع الكوب من السمن المذوب ثلاث ارباع الكوب سكر بودره 2 بيض حجم صغير او وسط + ملعقه كبيره فانيليا 1 ملعقه كبيره مليانه سمسم مطحون 1 ملعقه كبيره سمسم حب 1 ملعقه صغيره مليانه حبه سودا 1 ملعقه صغيره يانسون 1 ملعقه صغيره شمر نص ملعقه صغيره محلب رشه من جوزة الطيب رشة ملح 1 ملعقه صغيره بيكنج باودر 1ملعقه صغيره خميره 2 ملعقه حليب جاف بودره 1 كوب حليب سايل او بودره مخضوض
الطريقه : نحط كل المواد الجافه في العجانه ونحرك شوي شوي ونبداء نصب عليه السمن المذوب شوي شوي لين يخلص السمن وينخلط زين مع المكونات ويكون عندك خليط مفتت مثل التراب بعدين نفقس عليها البيضتين ولما تداخل بالخليط زين نبداء نضيف الحليب على شوي شوي مو دفعه وحده لان يمكن ما ناخذ كل كمية الحليب يعني لما تشوفيها متماسكه وطريه يعني مو قاسيه ولا لينه مره بعدين تاخذي قطعة تمر وتحشيها داخل قطعه مدوره وبعدين نكورها اذا كورناها نحطها في القالب الخشبي او البلاستيكي الخاص بالمعمول ونضغطها بلطف في القالب لتاخذ شكل القالب ثم تخرج من القالب بضرب طرف القالب بشي قاسي مثل طرف طاولة الرخام او صينية الفرن وحتى انتهاء الكميه تدخل الصينيه للفرن
السبت مارس 10, 2012 5:49 am